Il-programm ta’ politika tad-Deċennju Diġitali huwa inizzjattiva importanti li ġiet imnedija mill-Kummissjoni Ewropea bħala mekkaniżmu ta’ monitorizzazzjoni u koperazzjoni biex jintlaħu l-miri komuni għat-trasformazzjoni Diġitali sal-2030.
Il-programm jissettja miri għall-2030 fuq erba’ punti kardinali: ħiliet diġitali, infrastruttura diġitali, diġitalizzazzjoni tal-intrapriżi u gvern diġitali. L-istrateġija diġitali Maltija – Malta Diġitali 2022-27 – hija marbuta mill-viċin ma’ dan il-qafas.
Il-programm jindika li kull stat membru għandu jfassal il-pjan strateġiku tiegħu biex jilħaq il-miri tad-Deċennju Diġitali. Dawn il-pjanijiet strateġiċi fihom ukoll it-trajjettorji nazzjonali pproġettati, kif ukoll l-impatt mistenni minn kull miżura u azzjoni tal-pjan. Il-Pjan Direzzjonali Malti tad-Deċennju Diġitali ġie żviluppat wara konsultazzjoni wiesgħa mal-imsieħba soċjali, entitajiet u għaqdiet mhux governattivi, u rċieva l-approvazzjoni tal-Kabinett qabel ma’ ġie sottomess lill-Kummissjoni għall-approvazzjoni. Id-dokument ġie approvat mil-Kummissjoni u
Id-dokument ġie approvat mill-Kummissjoni u rċieva l-approvazzjoni għall-pubblikazzjoni.
Agħfas hawn biex tniżżel id-dokument – il-Pjan Direzzjonali Malti tad-Diċennju Diġitali
